Londra përfiton 20 miliardë sterlina nga imigrantët evropianë

Imigrantët me prejardhje nga Bashkimi Evropian kanë sjellë 20 miliardë sterlina (26 miliardë euro) në arkat e Britanisë së Madhe në dekadën e fundit, theksohet në një raport të publikuar sot, në një monet kur kryeministri konservator David Cameron kërkon ta limitojë këtë gjë.

Sipas këtij studimi, të realizuar nga “University College of London” (UCL), imigrantët paguajnë shumë më shumë taksa se sa përfitojnë nga përfitimet sociale, nga rrjedh një e ardhur prej 20 miliardë sterlinash në financat kombëtare.

Ky studim tregon gjithashtu se personat që vijnë nga Evropa Lindore, që stigmatizohen më shumë, kanë kontribuar pesë nga këto 20 miliardë mes viteve 2001 dhe 2011.

“Ky hetim i ri paraqet një imazh pozitiv të imigracionit, në veçanti të atij me prejardhje nga BE-ja”, thekson Christian Dustmann, një nga organizatorët e këtij studimi.

Publikimi i këtij studimi vjen në mes të debatit mbi imigrimin në Britaninë e Madhe. I përballur me rritjen e formacionit eurofob “UKIP”, David Cameron ka deklaruar se do të limitojë emigarcionin me prejardhje nga BE-ja, në kurriz të parimit të qarkullimit të lirë të personave që është në fuqi mes anëtarëve të BE-së, ndërkohë që afrojnë zgjedhjet legjislative në maj 2015.

Cameron pritet që të shprehet mbi këtë çështje para Krishtlindjeve. Sipas medias britanike, ai mbështetet në opinione si “duhet frenuar menjëherë imigracioni” dhe të bllokohen përfitimet e imigrantëve që vijnë nga BE-ja.

Ai ka premtuar gjithashtu se do të organziaojë në vitin 2017 një referendum mbi qëndrimin ose jo të vendit në BE, nëse do të fitojë zgjedhjet legjislative