Lorik Cana i jep fund beqarisë

Kapiteni i Kombëtares, Lorik Cana i dha fund beqarisë. Ai ka vënë kurorë me Monikën, vajzën italiane me të cilën ishte i lidhur prej kohësh.

Ceremonia martesore është zhvilluar mbrëmjen e së premtes në një nga resortet luksoze në Prishtinë e ndërthurur me motive tradicionale shqiptare.

Futbollisti shqiptar i Lacios dhe familjarë të tij kishin pranuar para disa muajsh planin e martesës në fund të muajit qershor.

Vetë Loriku thotë se ndjehet mirë në Romë, ndërsa me këtë martesë i është bashkuar Altin Lalës dhe Erjon Bogdanit, dy kapitenët e tjerë të kuqezinjëve që janë martuar gjithashtu me italiane.