“Luftë” për “ligjin e luftës”

Deputeti socialist Namik Dokle përmes një komenti në Facebook ka komentuar deklaratat e Athinës dhe të Tiranës.

Sipas Dokles,”ligji i luftës” me Greqinë është absurditeti më i madh në marrëdhëniet ndërkombëtare.

POSTIMI

Dje në Kuvend plasi një “luftë” replikash lidhur me të ashtuquajturin ligj i luftës që Greqia e mban akoma në këmbë!
Në fakt, ky farë “ligji” është absurditeti më i madh në marrëdhëniet ndërkombëtare! Ku e ka burimin ky absurditet qëllimkeq?
Në bazë të një dekreti ( Nr.194, date 09.06.1940) të Viktor Emanuelit të tretë, shtetet e pushtuara nga Italia fashiste ishin të detyruara të hynin automatikisht në luftë me cilindo shtet, me të cilin Italia do të ishte në konflikt të armatosur. Mbi këtë bazë, Qeveria e Tiranës shpalli luftë:
-10 qershor 1940: Anglisë dhe Francës.
-28 tetor 1940: Greqisë.
-6 prill 1941:Jugosllavisë.
-22 qershor 1941:Bashkimit Sovjetik.
-7 dhjetor 1941:SH.B.A-se.
Nga të gjitha këto gjashtë shtete, vetëm Greqia mban akoma ligjin e luftës me Shqipërinë.
Pse?! Pse?! Njëmijë herë pse?!!!!