Mbërrin në Tiranë Presidentja e Komisionit Europian, pritet nga kryeministri Rama
Presidentja e Komisionit Evropian, Ursula von der Leyen, pas Prishtinës, ka mbërritur këtë pasdite në Tiranë, për një vizitë zyrtare.
Von der Leyen u prit me ceremoni zyrtare nga kryeministri Edi Rama në aeroportin ndërkombëtar “Nënë Tereza”.
Në orën 15:45 zyrtarja e lartë e BE do të zhvillohet një takim bilateral mes dy delegacioneve në Kryeministri, ndërsa në orën 16:30 do të ketë një konferencë për shtyp mes Kryeministrin Edi Rama.
Më herët gjatë ditës, von der Lyen takoi krerët e shtetit të Kosovë, ku theksin e diskutimeve e vuri te çështja e targave.
Teksa kanë mbetur edhe disa ditë deri në përfundimin e afatit të caktuar nga qeveria për konvertimin e targave nga qytetarët serbë, shefja e BE-së bëri thirrje për respektimin e rregullave.
“Mendoj që është e shumë e rëndësishme që rregullat duhet të respektohen. Nëse ka tranzicion duhet të jetë i lehtë dhe gjithëpërfshirëse, por e këto duhet të zgjidhen në dialog”, tha presidentja e Komisionit Evropian.
Gjatë vizitës tri ditore në Ballkanin Perëndimor Presidentja e Komisionit Evropian Ursula von der Leyen, qëndroi të mërkurën në mbrëmje në Maqedoninë e Veriut.
Pas vizitës në Tiranë, zyrtarja e lartë e BE-së do të shkojë në Podgoricë, Sarajevë dhe Beograd.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.