Mbytet një 60-vjeçar në Liqenin e Tiranës

Një 60-vjeçar është gjetur i mbytur mëngjesin e sotëm në ujrat e Liqenit Artificial të Tiranës.

Viktima është gjetur rreth orës 7 e 10 minuta, rreth 100 metra larg bregut të liqenit. Dëshmitarët kanë njoftuar policinë dhe atje kanë shkuar edhe polumbarët për të nxjerrë viktimën.

60-vjeçari mendohet se kishte dalë në mëngjes në anë të liqenit për të marrë rreze dielli dhe më pas është futur në ujë, por për shkaqe ende të pasqaruara nga policia ka humbur jetën.