“Më i fortë Zielinski i Napolit apo ai i Interit? Besoj se më e mira nuk ka ardhur ende”

“A e mbajta premtimin për të treguar Zielinskin në formën e tij më të mirë? Po, po, gjithçka shkoi mirë. Fituam dy trofe të rëndësishëm, luajta mjaftueshëm dhe mirë, jam i lumtur që dhashë kontributin tim për skuadrën”. Kështu u shpreh Piotr Zielinski, i cili po shijon pushimet e merituara në Poloni, në Varshavë. Mungesa e kualifikimit në Botëror vazhdon ta shqetësojë: “Derisa të përfundojë kompeticioni, do të mbetet një plagë e hapur, sepse na vjen shumë keq”.

Megjithatë, mesfushori mund ta konsiderojë pozitiv sezonin e kaluar. Pas një viti të parë tek Interi të ndikuar nga problemet fizike, ai u rikthye në nivelin që kishte treguar prej vitesh në kampionatin italian. Kjo sjell edhe një pyetje interesante: “Më i fortë Zielinski i Napolit apo ai i Interit? Them se më e mira ende nuk ka ardhur”.

Dhe kjo “më e mira” pritet të vijë ende me fanellën zikaltër. Për të ardhmen e tij nuk ka dyshime: “A do të qëndroj patjetër tek Interi? Mendoj se po. Dua të qëndroj, sepse është një skuadër e madhe dhe gjithmonë mund të përmirësohesh e të bësh më mirë. Kemi një grup shumë të gjerë lojtarësh dhe drejtuesit e merkatos sigurisht do të bëjnë lëvizjet e nevojshme. Do të jemi konkurrues. Tani po pushoj, pastaj do të pres me padurim nisjen e grumbullimit”.