Meta: Pa rininë vendi nuk mund të ketë progres
LSI është një parti gjithnjë në rritje elektorale. Në pak vite ajo mposhti partitë tradicionale duke u kthyer në një faktor stabilizues dhe garantues të mirëqënies shqiptare. Kandidatët për deputetë të Lëvizjes Socialiste për Integrim në qarkun e Tiranës zhvilluan një takim me të rinjtë e Njësisë Administrative nr. 2 të kryeqytetit ku u diskutua për programin e LSI-së për rininë dhe arsimin.
Të pranishëm në këtë takim ishin ish-kryetari i Lëvizjes Socialiste për Integrim, Ilir Meta, nënkryetarja e LSI-së, Kejdi Mehmetaj, kryetarja e LRI-së, Floida Kërpaçi, kandidatët për deputetë të qarkut të Tiranës, etj.
Në fjalën e tij përshëndetëse përpara të rinjve Ilir Meta shprehu besimin se të rinjtë shqiptar janë ata që duhet të mbështeten më shumë për shkak se të rinjtë sakrifikojnë gjithçka për idealet e tyre.
“Të rinjtë kanë ato ëndrra të cilat i bëjnë të sakrifikojnë gjithçka për të ardhmen e tyre dhe të vendit të tyre dhe kanë atë idealizëm pa të cilin një vend nuk mund të ndryshojë dhe nuk mund të ketë progres shoqëror”, – tha Meta.
