Milan, Gabbia mbyll para kohe vitin 2026

Milani ka njoftuar se “Matteo Gabbia iu nënshtrua sot analizave mjekësore, të cilat zbuluan një dëmtim të muskulit fleksor të kofshës së majtë, që përfshin edhe dëmtim të pjesshëm të tendinit. Lojtari do t’i nënshtrohet një konsultimi me specialistë për të përcaktuar trajtimin më të përshtatshëm.”

Analizat kanë konfirmuar kështu shkallën e dëmtimit të pësuar nga mbrojtësi kuqezi gjatë pjesës së parë të ndeshjes së kampionatit kundër Sassuolos.

Është e vështirë të parashikohet kohëzgjatja e mungesës së tij në këtë fazë, kryesisht sepse shumëçka do të varet nga vendimi nëse do t’i nënshtrohet apo jo ndërhyrjes kirurgjikale.

Megjithatë, me siguri do të duhen muaj që Gabbia të rikthehet në fushë; sezoni i tij ka përfunduar fatkeqësisht para kohe.

Ende nuk ka komente. Bëhuni i pari që komenton.