Ministria e Drejtësisë rrit numrin e noterëve në vend

Ministria e Drejtësisë ka vendosur të rrisë numrin e noterëve në vend me 17 të tillë. Tashmë numri i noterëve në rang republike shkon nga 443 në 460.

Numri i noterëve në rang republike bazohet mbi numrin e popullsisë dhe është i kufizuar në mënyrë që të ruhet ekuilibri në ofrimin e shërbimeve për qytetarët. Çdo dy vite, ministria e Drejtësisë ka detyrimin e rishikimit të nevojave që vendi ka për noterë e ky ndryshim vjen në kushtet kur vendi i është nënshtruar një ndarje të re administrative­territorial.

Në urdhrin e firmosur nga ministri i Drejtësisë parashikohet gjithashtu edhe shpallja e vendeve vakante për noterë në njësitë e qeverisjes vendore ku duhen shtuar të tillë.