Mitrovicë- Çertifikohen 11 trajnerë për menaxhimin e zonave të kontaminuara

Kompania gjermane HPC po realizon në Mitrovicë një projekt për trajtimin e zonave të kontaminuara, pjesë e të cilit është edhe Universiteti i Mitrovicës “Isa Boletini”.

Në këtë kuadër janë ndarë çertifikata për 11 trajnerë për menaxhimin e zonave të kontaminuara.

Përfaqësuesi i HPC-së, Christoph Olk, foli për rëndësinë e këtij projekti. “Jam i kënaqur me mbështetjen e institucioneve, por edhe nivelin e angazhimit të pjesëmarrësve në trajnimin e organizuar me ekspertët e kompanisë”, tha Olk.

Për projektin folën edhe Henriete Kotter nga Ambasada Gjermane, prorektori i Universitetit të Mitrovicës, Rifat Morina, Julia Leuther nga GIZ-i, si dhe zëvendësministri i Mjedisit dhe Planifikimit Hapësinor, Ferat Shala.

Ata falënderuan HPC dhe qeverinë gjermane për projektin që janë duke realizuar në Mitrovicë, duke pasur parasysh problemet e mjedisit që jannë këtë komunë.

Ky projekt pjesërisht është financuar nga Ministria e Zhvillimit Ekonomik Gjerman dhe mbështetur nga GIZ-i.