Montezemolo zgjidhet president i ”Alitalia”-s

Ish-presidenti emblematik i ”Ferrari”-t,  Luca Cordero di Montezemolo u zgjodh president i kompanisë ajrore italiane ”Alitalia” gjatë një takimi të këshillit administrativ, njoftoi sot agjencia italiane e lajmeve, ANSA dhe e përditshmja ”Il Messaggero”.

”James Hogan, drejtuesi i kompanisë së Emirateve të Bashkuara Arabe ”Etihad” që arriti në muajin gusht, pas përpjekjeve të gjata dhe të vështira, një aleancë duke shpëtuar ”Alitalia”-n nga falimentimi, emërohet zëvendëspresident”, shtoi ANSA pa cituar burimin.

Kompania italiane ka refuzuar të japë detaje lidhur me këtë çështje.