“Mori jetët e 2 fëmijëve të pafajshëm”, Karanxha tregon masat që mungonin

Ish-prokurori Ervin Karanxha ka komentuar në emisionin “Review” me Greta Topjana ngjarjen e rëndë në Durrës, ku dy të mitur humbën jetën dhe një tjetër

Ish-prokurori Ervin Karanxha ka komentuar në emisionin “Review” me Greta Topjana ngjarjen e rëndë në Durrës, ku dy të mitur humbën jetën dhe një tjetër mbeti i plagosur rëndë si pasojë e një aksidenti.

Në analizën e tij, ai ka vënë theksin te mungesa e kontrollit të territorit dhe zbatimi i dobët i masave parandaluese në zonat e banuara, siç ishte zona ku ndodhi ngjarja te ish-Këneta.

Sipas Karanxhës, rasti lidhet me shkelje të përsëritura të rregullave të qarkullimit, duke theksuar se personi i përfshirë në aksident duhej të ishte ndëshkuar më herët me masa më të ashpra.

“Si fillim ngjarjen e lidh me kontrollin e territorit, kemi një zonë të banuar që ka pasur problematika të mëparshme dhe ka nevojë për një kamër për kontroll më të madh. Ky person që është denoncuar dhe herë tjera për shpejtësi në zonë duhet të ishte proceduar qoftë me heqje patente apo masa të tjera.

Qarkullimi në zona të banuara, tej normave të lejuara është një shkelje e Kodit Rrugor. Lidhur me ngjarjen, e shof problemin te Ministria e Transporteve”, theksoi Karanxha.

Ai ngriti shqetësime edhe tek strukturat që janë për kontrollin dhe emërimin e ekspertëve kompetentë, në menyre që situata të zgjidhet siç duhet.

“Ministria e Transporteve i përcakton personat dhe ekspertët që janë kompetentë për këtë punë në lidhje me aktet që do bëjë dhe të zgjidhet. Nuk kanë pse të lejojnë njerëzve të papërgjegjshëm që plotësojnë kriteret ligjore. Në çdo fushë futen njerëz jo kompetentë dhe në fund rezultojnë persona të dënuar. Mund të futet dikush që nuk është ekspert duke thënë që është.

Kemi të bëjmë me një kontroll më të madh të territorit. Këtij njeriu duhej ti ishte hequr e drejta e patentës”, tha Karanxha.