Moska: Sanksionet perëndimore nuk kanë ndikim mbi eksportimin e armëve

Sanksionet e Bashkimit Evropian dhe të Shteteve të Bashkuara të Amerikës kundër Rusisë nuk do të prekin shitjet e armëve ruse, theksoi sot “Rosoboronexport”, kompania publike ruse e ngarkuar me eksportimin e armëve.

“Tregjet tona të armëve nuk kanë ndryshuar. Blerjet e armëve ruse nuk do të bien”, deklaroi një zëdhënës i “Rosoboronexport”, i cituar nga agjencia “Interfax”, gjatë një ekspozimi teknologjik në Jukovski, rajon i Moskës.

“Për më tepër, Rusia synon të rrisë eksportimet e saj të armatimeve tokësore”, njoftoi nga ana e tij ndihmësdrejtori i “Rosoboronexport”, Igor Sevastianov, por pa dhënë shumë detaje.

“Në vitin 2014, ‘Rosoboronexport’ synon të eksportojë armë dhe pajisje ushtarake për rreth 13 miliardë dollar, një shumë e afërt me atë të një viti më parë”, shtoi ai.

Rusia, që Perëndimi e akuzon se është e implikuar në konfliktin ukrainas, është prekur nga sanksionet evropiane dhe amerikane të paprecedenta, ku më të rëndat hynë në fuqi më 1 gusht.

Snaksionet e miratuara nga BE-ja parashikojnë kryesisht ndalimin e importimit dhe të eksporitmit të armëve ruse./