MOSKË – Policia evakuon 1 000 persona pas alarmit për bombë në një hotel

Rreth 1 000 persona u evakuan dje në mbrëmje vonë nga hoteli ”Kosmos”, në veri të Moskës, pas një telefonate që sinjalizoi praninë e një sasie eksplozivi, e fshehur në ndërtesë, njoftoi sot agjencia ruse e lajmeve, Ria Novosti, që citonte një burim të policisë.

”Policia po kontrollon hotelin, një prej më të mëdhenjve në kryeqytetin rus, edhe pse deri tani nuk është gjetur asgjë e dyshimtë”, shtoi kjo agjenci.