MPB: Më 31 Dhjetor nuk do të ketë aplikim për letërnjoftim dhe pasaportë biometrike

Ministria e Punëve të Brendshme njofton të se përgjatë datës 31 dhjetor 2014, Zyrat e Aplikimit pranë Njësive të Pushtetit Vendor do të jenë të mbyllura dhe nuk do të ketë aplikime apo tërheqje të pasaportave Biometrike, apo Letërnjoftimeve atë ditë

Sipas njoftimit të MPB-së, Zyrat e Aplikimit pranë Njësive të Pushtetit Vendor për dokumenta identiteti në Shqipëri dhe përfaqësitë tona  diplomatike  jashtë  vendit,  (letërnjoftime  dhe  pasaporta biometrike), nuk do të mund të presin aplikime të reja përgjatë datës 31 Dhjetor 2014. Sipas MPB-së, të mërkurën e fundit të vitit, nuk do  të  kryhet as shpërndarja e dokumentave të identitetit të  prodhuara der atë ditë, pranë Komisariateve të Policisë.

Shkak  për  këtë  pezullim  të  përkohshëm, njofton MPB, është  procesi  vjetor  imirëmbajtjes dhe inventarizimit të sistemit, nga kompania Aleat sh.p.k,që prodhon dokumentat identifikues. Ky proces inventarizimi dhe mirëmbajtjeje zgjat për 24 orë, ndërsa në vazhdim  do të  vijojë  normalisht  procesi  i  pajisjes  së  shtetasve  medokumenta. Kjo praktikë e mbylljes për një ditë të shërbimit për qytetarët është e përvitshme,  duke  i  dhënë mundësi  kompanisë  Aleat  sh.p.k të kryejë inventarizimin e sistemit.