Mubaraku shpallet i pafajshëm për vdekjen e 846 manifestuesve në revoltën e vitit 2011
Gjykata egjiptiane braktisi sot akuzat për përfshirje në vrasje që peshonte kundër ish-presidntit, Hosni Mubarak, pas vdekjes të qindra manifestuesve gjatë revoltës së vitit 2011 që i dha fund 30 viteve të tij në pushtet.
Ish-presidenti, 86 vjeç, u lirua gjithashtu edhe nga akuzat për korrupsion që ishin ngritur kundër tij në një dosje tjetër.
Megjithatë ai do të qëndrojë në burg pasi vuan aktualisht një dënim prej tre vitesh burg në kuardine e një afere tjetër korrupsioni.
Pas shpalljes së verdiktit nga gjyqtari, Mahmud Kamel al Rashidi, gëzimi shpërtheu në sallën e gjykatës dhe dy fëmijët e Mubarakut, gjithashtu të akuzuar për korrupsion, përqafuan ish-presidentin.
Akuzat që peshojnë ndaj dy fëmijëve, Ala dhe Gamal Mubarak, u tërhoqën për pas analizimit të fakteve.
Një pjesë e akuzave për korrupsion kundër Mubarakut binin mbi një aferë të shitjes së gazit natyral egjiptian tek Izraeli, që është bërë nën çmimin e tregut.
Në procesin për përfshirje në vrasjen e manifestuesve, shtatë përgjegjës të lartë të sigurimit, ku edhe ish-ministri i Punëve të Brendshme, Habib al Adly, u lëshuan nga gjykata gjithashtu.
Më shumë se 846 persona u vranë gjatë kryengritjes popullore të vitit 2011 që zgjati 18 ditë dhe gjatë së cilit manifestuesit që kërkonin largimin e Mubarakut u përplasën me policinë dhe dogjën rajone të policisë, dhuna policore dhe abuzimi i forcave të sigruisë ishte një nga arsyet e revoltës.
