Mustafa të enjtën në interpelancë

Kryeministri i Kosovës, Isa Mustafa, do të jetë në interpelancë ditën e enjte, e jo të martën siç kishte kërkuar opozita.

Mbajtja e interpelancës për të enjten ka ardhur pas kërkesës së Isa Mustafës, e cila është bërë e ditur në Kryesi të Kuvendit përmes shefit të Grupit parlamentar të LDK-së, Ismet Beqiri.

Ndryshe, kërkesa për interpelancë ishte bërë nga Grupi parlamentar i AAK-së, të cilët kërkojnë nga kryeministri përgjegjësi për deklaratat e ministrit Aleksandër Jabllanoviq.