Nafta ”Brent” nën 80 dollarë për herë të parë që nga 2010-ta

Nafta ”Brent” ra sot në nivelin më të ulët që prej katër vitesh, pasi regjistroi për herë të parë një çmim nën nivelin e 80 dollarëve ndërkohë që tregu i naftës mbetet i prekur nga një ofertë në rritje, dy javë nga takimi i OPEC-ut.

Në orën 08:50 GMT, një fuçi naftë ”Brent” nga Deti i Veriut për livrim në muajin dhjetor u shit me 79,91 dollarë në ”Intercontinental Exchange” (ICE) në Londër, një rënie me 47 cent në raport me ditën e djeshme.

Që prej mesit të muajit qershor, referenca evropiane për naftën është ulur më shumë se 30 për qind si pasojë e një sërë faktorësh, rritja e furnizimeve, kërkesa e ulët dhe forcimi i dollarit.

Pavarësisht rënies së çmiemeve, vendet anëtare të Organizatës së Vendeve Eksportuese të Naftës (OPEC) nuk kanë shfaqur vullnetin e përbashkët për reduktim të prodhimit të tyre gjatë takimit të ardhshëm më 27 nëntor në Vjenë.