Nardi shfaq “filozofinë”, i përgjigjet Ramës: Bën humor dhe populli qesh

Kreu i PDK-së, Nard Ndoka i është përgjigjur akuzave të kryeministri Edi Rama ka bërë në adresë të tij në Shkodër.

“Çfarë ka Edi Rama më shumë se Nexho Shabani?! Nexho bën humor dhe populli qesh; Rama po bën humor me ‘degjesat’ e popullit, pasi ju bleu votën!”, shkruan ish-ministri i Shëndetësisë.

Ndoka njihet si një personazh mjaft karizmatik në rrjetet sociale ku shumë herë bëhet edhe frymëzim batutash për faqet e humorit.

Gjate flalës së tij në Shkodër, Edi Rama nuk la pa thumbur dhe kryetaren e bashkisë së Shkodrës Voltana Ademi dhe deputetin Nard Ndoka.

“Çfarë ka Nard Ndoka 25 vjet këtu që hyn në Kuvend dhe bëhet edhe ministër? Pse u dashka gjet një mik te Nard Ndoka dhe ti thotë drejtorit ‘jepja këtij’? Nard Ndoka ka një gjë më shumë se ju se vjen vërdallë që të duket njeri i rëndësishëm.

Ndërkohë që këtë fuqi duhet ta ketë çdo njeri i zakonshëm që është anëtar i koalicionit. Si do funksionojë kjo? Nëse platforma do të marrë një denoncim konkret dhe thotë “unë jam filani, kam këtë numër telefoni dhe këtë ID dhe kam këtë shqetësim me këtë drejtor.  Shteti i qepet pas derisa ta zgjidhë dhe ti japë përgjigje”tha Rama.