Avionët luftarakë të NATO-s janë nisur në disa misione për të hetuar avionët ushtarakë të paidentifikuar rusë mbi Detin Baltik, thanë sot zyrtarët ushtarakë në Lituani.
“Gjithsej, u nisën 15 avionë për të hetuar kërcënimet e mundshme javën e kaluar”, tha Ministria e Mbrojtjes.
Shumica e tyre thuhet se operonin në hapësirën ajrore ndërkombëtare pa një plan fluturimi të paracaktuar, sinjal transponder ose kontakt radio.
Ministria e lidhi këtë me një seri manovrash ushtarake që shtetet baltike po kryejnë, si në nivel kombëtar ashtu edhe së bashku me aleatët e NATO-s.
Manovra vjetore ushtarake detare e udhëhequr nga SHBA-ja, BALTOPS, po zhvillohet në Detin Baltik, në të cilën marrin pjesë 50 anije dhe varka nga 19 shtete të NATO-s dhe Suedia.
“Flota ruse e Balltikut po kryen gjithashtu manovra ushtarake”, tha ministria për “Baltic News Service”.
Estonia, Letonia dhe Lituania nuk kanë avionë luftarakë të tyre.
Për këtë arsye, aleatët e NATO-s vendosin rregullisht avionë luftarakë dhe personel në zonën në Evropën verilindore.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.