Ndalohen 37 klandestinë të huaj, gati riatdhesimi i tyre

Policia e Gjirokastrës ka ndaluar mëngjesin e të enjtes 37 klandestinë në fshatin Glinë.

Burime policore konfirmojnë se gjatë operacionit janë ndaluar 37 klandestinë, ku 21 ishin me kombësi siriane, 5 nga Eritrea dhe 7 nga Kongo.

Mësohet se klandestinët kanë hyrë nga Greqia për të shfrytëzuar territorin shqiptar si vend tranzit për të vijuar në Mal të Zi.

Policia pasi ka shoqëruar klandestinët është kujdesur për t’i mundësuar kushte optimale qendrimi, ndërsa mësohet se po punohet me fqinjët helene për riatdhesimin e tyre.

Ky nuk është rasti i parë i klandestinëve në vendin tonë, pasi policia e Gjirokastrës ka kryer operacione të ngjashme edhe më herët.