Ndërtimet pa leje, Rama: Prishim “çibanët” e mbirë pa pengesë

Aksionet e Inspektoriatit Ndërtimor Urbanistik Kombëtar në vend për prishjen e objekteve pa leje nuk janë ndërprerë në asnjë moment.

Kryeministri Edi Rama deklaron përmes një postimi në rrjetet sociale, se puna për shkuljen e çibanëve nga trotuarët e rrugët nuk është ndërprerë në asnjë moment. Sipas kryeministrit, këto objekte kanë pa leje “kanë mbirë pa asnjë pengesë”

“S’është ndërprerë asnjë ditë operacioni i shkuljes së çibanëve nga trotuaret e rrugët ku kanë mbirë pa asnjë pengesë”, shkruan Rama.

Tashmë prej kohësh, INUK ka ndërmarrë aksione për prishjen e objekteve pa leje dhe lirimin e hapësirave publike, dhe jo vetëm në kryeqytet.