Në Rahovec dhurohet gjak në kujtim të Elvis Pistës

Në Qendrën e Transfuzionit të Gjakut në Rahovec është organizuar dhënie vullnetare e gjakut në kujtim të Elvis Pistës, ish-kandidatit të Partisë Demokratike të Kosovës, i cili ishte vrarë me 15 qershor të viti 2014, por ende nuk ka të dënuar për rastin.

Për të shprehur revoltë ndajë organeve të drejtësisë që nuk kanë identifikuar ende vrasësit e Pistës organizata jo qeveritare nga Rahoveci “Iniciativa Pozitive”, ka organizuar dhurimin e gjakut nën moton “Dhuro gjak, ndihmoje zbardhjen e krimit”, njofton Klan Kosova.

Dhënia e gjakut mund të bëhet deri në orën 18:00, por deri tani pjesëmarrja e qytetarëve ka qenë shumë e pakët. Organizatorët kanë thënë se presin që numri të shtohet orëve të pasdites.

Elvis Pista ishte njohur nga publiku kosovar para zgjedhjeve të fundit të përgjithshme në Kosovë, kur iu fut garës për një ulëse si deputet nga PDK-ja. Pista kishte tërhequr vëmendje me paraqitjen e veçantë të tij.

Vrasja e Pistës ende mbetet një mister për organet e rendit. Përkundër se janë intervistuar rreth 60 persona, policia ende nuk ka arritur të bie në gjurmë të vrasësit/ve.

Vrasjen e Pistës, Kryeprokurori Prokurorisë Themelore në Prizren, Sylë Hoxha, e kishte komentuar si një vrasje të kryer në mënyrë shumë profesionale shumë profesionale.

Pista ishte vrarë rreth mesnate derisa po dilet nga një lokal bashkë me bashkëshorten e tij.