Në Tiranë do të prishen mbi 800 objekte pa leje nga IKMT

Vazhdon prishja e objekteve pa leje nga Inspektorati Kombëtar i Mbrojtjes së Territorit në Tiranë,  për çlirimin e hapësirave publike.

IKMT do të punojë në trekëndëshin Allias, Shkollë e Bashkuar, Oxhaku.

Në këto zona, janë evidentuar pas azhornimeve të inspektorëve të IKMT, rreth 80 objekte të paligjshme, si ndërtime të ulëta, platforma, tenda etj.  Dje mjetet e IKMT kanë qenë të pranishme pranë shkollës “Bajram Curri”, ku kanë bërë pak ndërhyrje të cilat do të vazhdojnë edhe sot. Kjo për shkak se shumica e qytetarëve kishin filluar të bënin çmontimin e objekteve.

Operacioni në këtë zonë, parashikohet të zgjasë disa ditë, ndërkohë që strukturat operacionale të IKMT janë duke përgatitur strategjinë për ndërhyrje edhe në qytete të tjera.