Nënshkruhet marrëveshja PDK-LDK: Hapet rruga për institucionet e reja

Kryetari i PDK-së, Hashim Thaçi dhe kryetari i LDK-së, Isa Mustafa, nënshkruan pak më parë Marrëveshjen e koalicionit, në ambientet e Kuvendit të Kosovës, pikërisht në ditën kur u bënë gjashtë muaj nga zgjedhjet e 8 qershorit.

“Sa po nënshkruam për të mirën e Kosovës e qytetarëve të saj, për Kosovën e zhvilluar dhe evropiane”, tha Thaçi, në konferencë shtypi.
Edhe kreu i LDK-së Mustafa theksoi se “kjo marrëveshje është në të mirën e vendit e të ardhmes evropiane të Kosovës dhe se do të punojnë së bashku me përkushtimin më të madh”.
Në konferencën për shtyp nuk u dhanë emra per ndarjen e posteve.