Nikola Jankulovski zgjidhet kryetar i Dhomës së Mjekëve, zëvendës i tij Idriz Orana

Në seancën e sotme të Kuvendit të Dhomës së Mjekëve, prof. dr. Nikola Jankulovski u zgjodh kryetar i ri i Dhomës, ndërsa dr. Idriz Orana u zgjodh zëvendëskryetar, siç njofton Fokus. Dhoma është organizata profesionale e të gjithë mjekëve në vend.

U zgjodhën edhe tre nënkryetarë: dr. Biljana Petkovska Ognjanova për shëndetësinë primare, dr. Lençe Neloska për shëndetësinë sekondare dhe dr. Risto Todorov për shëndetësinë terciare.

Sipas njoftimit të Dhomës, me zgjedhjen e Jankulovskit Dhoma fiton një drejtues me përvojë të gjatë akademike, menaxheriale dhe klinike.

Jankulovski deklaroi se është nder dhe përgjegjësi e madhe të jesh në krye të Dhomës dhe se fokusi i tij do të jetë mbrojtja dhe avancimi i të drejtave dhe statusit të të gjithë mjekëve, rritja e transparencës, digjitalizimi i proceseve, përfshirja aktive e Dhomës në ligjet e shëndetësisë dhe kushte më të mira pune për mjekët e trajtim për pacientët.

Jankulovski është subspecialist i kirurgjisë abdominale, profesor i rregullt shumëvjeçar në Katedrën e Kirurgjisë të Fakultetit të Mjekësisë në Shkup, drejtor i Klinikës Universitare për Kirurgji Digjestive, dy mandate dekan i Fakultetit të Mjekësisë dhe dy mandate rektor i Universitetit “Shën Kirili dhe Metodi” në Shkup.