Nishani takim lamtumire me Ambasadorin Arvizu

Presidenti i Republikës, Bujar Nishani priti të hënën në një takim lamtumire Ambasadorin e SHBA-së në Tiranë, Alexandër A. Arvizu, me rastin e përfundimit të misionit të tij në Shqipëri.

Presidenti i Republikës shprehu në emrin e tij dhe të institucioneve shqiptare falënderimet dhe mirënjohjen për kontributin e dhënë nga ambasadori Arvizu gjatë viteve që shërbeu në vendin tonë për forcimin e marrëdhënieve mes dy vendeve.
Presidenti i uroi Ambasadorit Arvizu suksese të mëtejshme në karrierën e tij diplomatike dhe detyrat e tij të ardhshme, duke e siguruar se ai do të mbetet një mik i mirë i Shqipërisë dhe shqiptarëve.