Një tablo e piktorit bask Ramiro Arrue shitet për 145 800 euro

Një tablo në bojra vaji e piktorit spanjoll nga rajoni bask, Ramiro Arrue (1872-1971) u shit dje 145 800 euro gjatë një ankandi në Saint Jean de Luz (jugperëndim të Francës), një record për këtë artist qo i dedikoi veprën e tij vendit bask, sipas drejtuesit të ankandit, Arnaud Lelièvre

Ramiro Arrue, artist i lindur në Bilbao (veriperëndim të Spanjës) dhe që jetoi për një kohë të gjatë në Saint Jean de Luz ku edhe vdiq, sintetizoi në veprën e tij atë që karakterizon vendin dhe shpirtin bask në epokën e tij, deti, punimet në fusha, familja, shtëpitë tradicionale baske, kërcimet dhe pelotën baske (lojë tipike e këtij rajoni). Një vend bask si rural, detar, kulturor dhe të lidhur me traditat.

E paraqitur fillimisht me çmimin 80 mijë euro, tablloja, që paraqet peshkatarë të mbuluar me beretën tradicionale baske duke tërhqur rrjetat e tyre, u ble për 145 800 euro nga një koleksionist që kërkoi të mos identifikohet.

“Sipas të dhënave të mia, është një shumë që nuk është arritur ndonjëherë për një vepër të Ramiro Arrue. Bëhet fjalë për një tablo në bojra vaji e titulluar ‘Les pêcheurs au port’ (Peshkatarët në Port), pa date, por që mendohet se është realizuar nga piktori në vitet 1930″, njoftoi Lelièvre