“Nuk duhet të mendosh për milionat e personave që do të të shohin nudo”
Margot Robbie është e re në Hollywood, por e ka lënë tashmë shenjën e saj. Aktorja australiane i la përshtypje të jashtëzakonshme kritikëve dhe publikut me rolin e bashkëshortes së personazhit të interpretuar nga Leonardo Di Caprio në filmin e vitit 2013 ‘The Wolf Of Wall Street’.
Ajo spikati jo vetëm për aftësitë në aktrim, por edhe për guximin që pati për t’u zhveshur në skenat intime. 24-vjeçarja ka treguar si i ka përballuar kërkesat e rolit të saj.
“Në fillim je e trembur, por nuk duhet të mendosh për milionat e personave që do të të shohin nudo. Sa më shumë të mendosh për këtë, aq më keq bëhet. Thjesht duhet ta kalosh”, tha Robbie për ‘Radio Time’.
Pas filmit me regji të Martin Scorsese, aktorja e re do të shfaqet në një tjetër film të madh. Bëhet fjalë për filmin ‘Focus’ me protagonist Will Smith.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.