Obama përshëndet shkatërrimin e armëve kimike siriane në Mesdhe

SHBA-ja përshëndeti sot shkatërrimin në Detin Mesdhe të elementeve që i mundësonin regjimit të Assadit prodhimin e gazit sarin dhe toksik, ndërkohë që presidenti amerikan, Barack Obama theksoi se do të ishte i kujdeshsëm për respektimin nga Damasku të angazhimeve përsa i përket kësaj çështjeje.

“Armët kimike, më të përgjakshmet, të poseduara nga regjimi sirian janë shkatërruar nga profesionistë civil dhe ushtarak duke përdorur një mekanizëm amerikan unik në llojin e tij”, theksoi presidenti amerikan në një komunikatë.
Këto elemente mundësonin prodhimin e gazit sarin dhe gazit toksik, dy armë kimike shumë toksike. Ato janë neutralizuar në bordin e Cape Ray, një anije amerikane vendosur në Mesdhme, në ujërat ndërkombëtare.
Një zyrtar i Pentagonit konfirmoi se bëhej fjalë për elementë kimikë që bashkëvepronin me gazin sarin dhe toksik dhe që mund të përdoreshin në sulme me armë kimike.
Operacioni është mbikëqyrur nga Organizata për Ndalimin e Armëve Kimike (OIAC)