Ora e empatisë !
KRYEMINISTRI e ka vendosur : empatinë do ta ofrojnë me orar çdo të premte në orën 5. Ka vënë në dispozicion gjithë deputetët të mbajnë shënim hallet , në mos dinë të shkruajnë vetë le të përdorin edhe të tretë, edhe t’ja çojnë atij për zgjidhje !
Kush provon të thyejë rregullat të flasë siç ka guxuar Egla ditë të djelë apo siç ka ndodhur në Vlorë të shtunën , në vend të empatisë në këmbim do të marrin atë që Kryeministri di të ofrojë pa orar, për këdo pa përjashtim, për deputetët, gjykatësit, mjekët , intelektualët, gazetarët, pensionistët , mësuesit , përçmimin . Në çdo orë a ditë të javës , në cdo dalje publike na jep atë që sipas tij meritojmë, përveçe të premteve në orën 5-së, ku na ofron praninë e tij besnike me anë të mëkëmbësve të tij .
“Prania besnike” ( që gjuhëtarët thonë që si frazë në Shqip është pa kuptim ) është një shfaqje me skenar , performuese dhe strategjike e kujdesit të KM ndaj elektoratit, ose një mekanizëm propagande për të dalë nga kriza ku e është zhytur mazhoranca prej protestës edhe skandaleve .
Duke përdorur histori individuale edhe duke anashkaluar debatin logjik të politikave, “Ora e Empatisë” është mekanizmi i krijimit të iluzionin të lidhjes pa reciprocitet real.
Empatia e rreme e Kryeministrit, që na ofrohet nga figurat e konsumuara në pushtet , ose të skaduara që para përdorimit nuk është gjë tjetër veçse maska e arrogancës edhe dëshirës së tij për të na kontrolluar.
Ndaj sa të jetë ky Kryeministër përçmimi do të ofrohet pa orar ndërsa empatia çdo të premte në orën 5.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.