Orban tërheq projektin për taksën e internetit

Kryeministri hungarez, Viktor Orban njoftoi sot se projekti i taksës për internetin, që ka shkaktuar indinjatë të thellë në opinionin publik hungarez, nuk mund të miratohej në formën aktuale dhe premtoi një referendum kombëtar në muajin janar.

“Taksa e internetit nuk mund të vendoset në formën aktuale (…) Asgjë nuk mund të jetë e vlefshme në këto rrethana”, theksoi kryeministri konservator në një intervistë për radion publike.

Pas një mobilizimi për herë të parë që u zhvillua të dielën, disa dhjetëra mijëra persona manifestuan të martën në Budapest kundër një projekttakse mbi shkarkimet në internet dhe kundërshtarët e konsiderojnë shumë të ashpër.

Këto manifestime ishin më të mëdhatë që prej ardhjes në pushtet  të Orban në vitin 2010.

Taksa e re, që do të votohet në Parlament më 17 nëntor, është kritikuar ashpër dhe nga Komisioni Evropian.

Kundërshtimi i taksës së internetit ndodh në një kohë që Orban, promotor i reformave të kundërshtuara të medias dhe drejtësisë gjatë mandatit të tij të parë, është në mbikëqyrjen e SHBA-së, që dënon një përkeqësim të shtetit të së drejtës në Hungari.