OSDH: 555 të vdekur nga sulmet e koalicionit nën drejtimin amerikan
Sulmet ajrore të koalicionit, nën drejtimin e SHBA-së, kundër xhihadistëve në Siri kanë shkaktuar të paktën 555 të vdekur në një muaj, kryesisht anëtarë të grupit ekstremist të Shtetit Islamik, theksoi sot Observatori Sirian për të Drejtat e Njeriut(OSDH).
Ky bilanc, i njoftuar nga drejtori i OSDH-së, Rami Abdel Rahmane, raporton vdekjen e 464 luftëtarëve të Shetit Islamik, 59 të Frontit al-Nosra (degë siriane e AL Kaedës) dhe 32 civilëve, gjashtë prej të cilëve fëmijë dhe pesë gra, në sulmet ajrore që prej 23 shtatorit.
”Pjesa më madhe e luftëtarëve të Shetit Islamik dhe Frontit al-Nosra, të vrarë nga sulmet e koalicionit, nuk janë sirianë”, theksoi Abdel Rahmane.
SHBA ndihmuar nga aleatët arabë nisi më 23 shtator sulmet e para ajrore kundër Shtetit Islamik në Siri për të frenuar progresimin e tyre në Kobane, qytet kurd në kufi me Turqinë
”Koalicioni nën drejtimin e SHBA-së ndërmori dje 12 sulme ajrore që mundësuan dështimin e një sulmi xhihadist të organizatës së Shtetit Islamik pranë digës së Mosulit në Irak”, njoftoi dje Pentagoni.
”Kryengritësit ndërmorën një ofensivë pranë digës së Mosulit që u pengua nga sulmet amerikane dhe forcat irakiane” deklaroi koloneli, Steven Warren, një zëdhënës i ministrisë.
