Padi e re për “21 Janarin”/ Familjarët e katër viktimave paraqitën padinë në SPAK

“Ne na ka rënë në dorë një kasetë, audio ku flitet për mekanizmin që ka përdorur garda. Aty identifikohet zëri i komandantit të gardës ku thuhet të qëllohet në mish. E dorëzojmë këtë vetëm te SPAK se te prokuroria nuk kemi besim. Ka një ndikim politik nëse nuk merret, se përgjigjen ata duhet të na i jepnin me shkrim, ata ja kanë kaluar prokurorisë, por prokuroria nuk ka këllqe ta hetojë këtë gjë. Ata thonë nuk kemi prova, s’mund të na i refuzojë”,  u shpreh Mark Nika, xhaxhai i Aleks Nikës.

“I bëjmë thirrje që të hetojë çështjen, nuk ka besim populli”, tha Zabit Deda, vëllai i Hekuran Dedës.

“S’jemi të kënaqur fare nga gjykimi i mëparshëm, në kërkesat tona ka qenë gjithmionë për drejtësi prandaj u drejtuam në SPAK, do bëjmë kërkesat tona që të rihapet edhe një herë”, tha Alma Veizi, bashkëshortja e Ziver Veizit.

Por pretendimet e tyre u dëgjuan vetëm nga mediat, kurse kallëzimin ata thanë se do ta dorëzojnë me postë. Sërish në SPAK, tek e njëjta prokurori që deklaroi se kjo çështje nuk i përket dhe se hetimet duhet t’i kryejë akuza e kryeqytetit.