Paditet Drejtori i ARRSH-së, i shkaktoi shtetit një dëm prej 4.5 mln euro

Kontrolli i Lartë i Shtetit padit në prokurori Drejtorin e Autoritetit Rrugor Shqiptar, Dashamir Xhika. Ai akuzohet se i ka shkaktuar shtetit një dëm rreth 634 milionë lekë ose 4.5 milionë euro.

Sipas KLSH-së dëmi ka ardhur kryesisht nga mungesa e supervizimit gjatë zbatimit të projekteve në infrastrukturën rrugore.

Shkeljet kanë të bëjnë edhe me projektin e zgjerimit të superstradës Tiranë- Durrës.

Nga auditimi rezultoi që fondi limit i prokurimit “Studim, projektim zgjerimi i Superstradës Tiranë – Durrës” është rritur artificialisht në vlerën 100,001,686 Lekë çka konsiderohet dëm ekonomik në buxhetin e shtetit.