“Palma e Artë e Nderit” për John Travolta

Ylli i kinemasë hollivudiane John Travolta u surprizua në Festivalin e Filmit në Kanë me çmimin e karrierës, “Palma e Artë” e Nderit.

Vlerësimi e përloti artistin 72-vjeçar.

“Ky simbol pasqyron shijen time në film. Nuk mund ta besoj. Kjo është përtej çmimit Oscar, realisht”, tha Travolta.

Ky trofe konsiderohet si vlerësimi më i lartë i këtij festivali për kineastët dhe nuk jepet mbi bazën e filmave në garë.

U akordohet rregullisht personaliteteve të mëdha botërore për kontributin e tyre të jashtëzakonshëm në historinë e kinemasë.

Vlerësimi maksimal i dorëzuar nga drejtori i festivalit, Tierri Fremo, erdhi pak përpara premierës botërore të filmit “Propeller One-Way Night Coach”, i cili shënon edhe debutimin e Travoltës si regjisor.

I përlotur nga duartrokitjet e gjata, 72-vjeçari deklaroi se ky trofe shkon përtej çmimit Oscar.

Filmi i tij i ri, i cili do të shfaqet në platformën Apple TV më 29 maj, është një projekt thellësisht personal i bazuar në librin që aktori shkroi 35 vite më parë, ku ai ka shërbyer si skenarist, producent dhe regjisor.

TV Klan

/tvklan.al