Paris, grabitet në tunel, i marrin bizhuteri me vlerë 5.4 milionë euro

Një koleksionist arti nga Tajvani është grabitur në një tunel në Paris nga tre persona, të cilët kanë arritur të marrin bizhuteri me vlerë 5.4 milionë euro, njoftuan autoritetet franceze.

Policia është vënë menjëherë në ndjekje të tre personave të dyshuar. Ata kanë shfrytëzuar trafikun e rënduar duke thyer xhamat e automjetit ku ndodhej koleksionisti dhe kanë marrë bizhuteritë. Por është ende e paqartë nëse grabitja ka qenë e rastësishme, apo gjithçka ishte e planifikuar për grabitjen e tajvanezit.

Agjencisë e lajmeve “AFP” shkruan se ky nuk është rasti i parë i grabitjes në tunelin e quajtur “Landy”, i gjatë 1.3 kilometra. Në vitin 2010, në një rast të ngjashëm, Christina Chernovetska, e bija e kryetarit të atëhershëm të Kievit ra pre e grabitësve, të cilët i morën bizhuteri me vlerë 4.5 milionë euro.