Parlamenti Evropian voton sot rezolutën për pranimin e Bullgarisë në Zonën Shengen
Pritet që sot, e martë, deputetët e Parlamentit Evropian do të votojnë rezolutën për aderimin e Bullgarisë dhe Rumanisë në Hapësirën Shengen, pasi dje ata zhvilluan debat në përkrahje të të dyja vendeve ballkanike. Raportuesi kryesor për këtë çështje është lideri i Partisë së Socialistëve Evropianë Sergej Stanishev, i cili insistoi për pranim të plotë të të dyja shteteve në zonën e lëvizjes së lirë.
Për Radion Kombëtare Bullgare Stanishevi tha se nëse pranimi i Bukureshtit dhe Sofjes bëhet në disa etapa, kjo do të krijojë një precedent me pasoja të këqija siç për Zonën e Shengenit, kështu edhe për Bullgarinë dhe Rumaninë.
Përkrahjen e tyre për shtetet ballkanike deklaruan nga Partia Popullore Evropiane, grupi i socialistëve dhe demokratëve, konservatorët evropianë dhe përfaqësues të liberalëve. Kundër Sofjes dhe Bukureshtit janë Holanda dhe Gjermania. Vendimi përfundimtar pritet se do të merret njëzëshëm në Këshillin e Bashkimit Evropian.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.