Parlamenti përballë sfidës për zgjedhjen e presidentit

Deputetët grekë votojnë sot në turin e parë për zgjedhjen e presidentit, nga i cili varet fati i qeverisë dhe politikave shtrënguese pasi do të ketë zgjedhje legjislative të parakohshme nëse Parlamenti dështon në zgjedhjen e presidentit të ri.

Këto zgjedhje me votim të drejtpërdrejtë janë bërë shkak për një përshkallëzim verbal mes koalicionit konservator-socialist të kryeministrit, Adonis Samaras, në pushtet që prej vitit 2012 dhe partisë së majtë “Syriza”, favorite në sondazhe.

”Një votim kundër kandidatit të qeverisë, i vetmi në listë, Stavros Dimas, do t’i hapte rrugën një aventure politike që mund jetë fatale për zhvillimin evropian të vendit”, theksoi Adonis Samaras disa orë para votimit.

Atmosfera e votimit, para 300 deputetëve të Parlamentit grek, do të jetë më e thjeshtë pasi kjo zgjedhje do të bëhet pa fjalime paraprake duke nisur nga ora lokale 19:00(17:00 GMT).

Qeveria e di që nuk do të mund të zgjedhë prej sot kandidatin për postin e presidentit sepse nuk ka asnjë mundësi për të siguruar 200 votat e nevojshme që në turin e parë apo të dytë, parashikuar më 23 dhjetor.