PD: Maxhoranca, 12 000 student më pak për Universitetet Publike
Partia Demokratike, ka dalë të hënën në një deklaratë për mediat, duke shënjestruar qeverinë për reformën në arsimin e lartë.
Sipas koordinatorit të PD-së, Ervin Salinji, Kryeministri sot, me prezantimin për arsimin e lartë, ka mallkuar çfarë ka ndodhur, dhe duke mos pasur asnjë ide për të ardhmen, me një vendim qeverie, ka bërë të mundur të kemi 12 000 student më pak për këtë vit akademik në Universitetet Publike.
“Qeveria ndryshe nga premtimet, nuk po përmirëson kushtet, nuk po ul tarifat e studimit, nuk po pranon më shumë studente, nuk po e çon buxhetin për arsimin në 5%, nuk po rrit financimin për ekselencën, dhe nuk po bën as edhe një investim të vetëm në infrastrukturën mësimore. Pas 1 viti, arsimi është në udhëkryq. Kemi vetëm demagogji, shfaqje propagandistike, dhe në realitet zhbërje dhe kthim mbrapa”, tha Salinji
