PD: Policia po përdoret si publicitet qeveritar

Partia Demokratike, nëpërmjet deputetit Helidon Bushati, ka dalë në një deklaratë për mediat të enjten për të denoncuar përfshirjen e Policisë së Shtetit në fushatat propagandistike të qeverisë, në aksione televizive, duke shfokusuar detyrat e saja kryesore, që jane rendi publik dhe siguria.

Deklarata e Partisë Demokratike vjen pas ngjarjes se rëndë sot në mëngjes në Vlorë, ku pas nje atentati humbi jeten nje biznesmen dhe u plagos një qytetare.

Në deklaratën për mediat, deputeti Bushati tha “se policia është hequr nga puna e saj e përditshme dhe po përdorët si sfond për publicitet qeveritar. Vrasjet janë shtuar, vjedhjet janë shtuar, aksidentet janë shtuar. Qytetarët jetojnë orët e gjata të pasigurisë në jetën e tyre të përditshme”.