Penalizim supervizorëve që nuk zbatojnë ligjin

Qeveria ka kërkuar më shumë përgjegjësi nga mbikqyrësit e veprave publike me qëllim rritjen e cilësisë së punimeve.

Ministri i Transportit dhe Infrastrukturës, Edmond Haxhinasto, gjatë një takimi me supervizorët, theksoi se ka nisur një fazë e re partneriteti te ngushtë publik-privat, ku nuk do të tolerohet shpërdorimi i parave të taksapaguesve shqiptarë në rrugë pa standarde.
Por, nga ana tjetër, Autoriteti Shqiptar Rrugor paralajmëron penalizime për mbikqyrësit që nuk përmbushin detyrimet. Aktualisht janë funksionale 65 kontrata supervizimi dhe me ndryshimiet e bëra në legjislacion në vitin 2011, lidhja e kontratave kryhet nëpëmjet procedurave të prokurimit.