Pentagoni: Kemi realizuar pjesën më të madhe të sulmeve ajrore kundër ISIS-it
SHBA-ja ka realizuar 85 për qind të sulmeve ajrore kundër organizatës së Shtetit Islamik që prej fillimit të fushatës në muajin gusht, theksoi sot Pentagoni.
”Partnerët arabë të koalicionit nën drejtimin e SHBA-së kundër Shtetit Islamik kanë kryer 56 nga 393 sulme ajrore në Siri, ndërkohë që partnerët perëndimorë të amerikanëve kanë kryer 70 nga 470 sulme ajrore në Irak”, theksoi komandanti amerikan i ngarkuar me Lindjen e Mesme dhe Azinë Qendrore (Centcom), kolonel, Patrick Ryder.
Presidenti amerikan, Barack Obama dhe administrata e tij nënvizuan rëndësinë e madhe të partnerëve në këtë koalicion, veçanërisht të katër vendeve arabe (Jordanisë, Bahreinit, Emirateve të Bashkuara Arabe dhe Arabisë Saudite), por shifrat provojnë që SHBA mban përgjegjësinë dhe ngarkesën më të madhe të operacionit “Vendosmëri absolute”.
