Përfundojnë kërkimet për ekuipazhin e anijes që u fundos në Detin e Zi, nuk gjendet asnjë nga anëtarët

Autoritetet bullgare njoftuan përfundimin e operacioneve për të gjetur ekuipazhin e anijes mallrash që u fundos në Detin e Zi pas një sulmi me dron, pa u gjetur asnjë prej anëtarëve të saj.

“Nuk ka asnjë gjurmë të marinarëve”, tha Rumen Nikolov, kreu i qendrës së koordinimit të kërkim-shpëtimit detar, duke sqaruar se operacionet u ndaluan vonë natën e së martës dhe nuk do të rifillojnë.

Siç raportoi ai, nga anija e fundosur, të cilat notonin në sipërfaqen e detit, u gjetën vetëm një varkë e përmbysur, tre gomone shpëtimi të fryra dhe mbeturina nga pajisjet e saj.

Dy anije tregtare u sulmuan nga dronë herët të martën në mëngjes në brigjet e Bullgarisë, në një kohë kur transporti detar në Detin e Zi po preket rëndë nga lufta në Ukrainë.

Ky është incidenti i parë i tillë i regjistruar brenda Zonës Ekskluzive Ekonomike të Bullgarisë në Detin e Zi, ndërsa autoritetet bullgare ende nuk e kanë verifikuar origjinën e dronit .

Nga një anije, e cila u përfshi nga flakët, u shpëtuan 18 anëtarë të ekuipazhit, shtetas turq dhe indianë .

Megjithatë, ekuipazhi i anijes së dytë mallrash mbetet i zhdukur. Autoritetet bullgare nuk kanë njoftuar se sa persona ishin në bord, por sipas faqes së internetit Maritime.bg, anija Alfa Watan me flamur togoez kishte dhjetë persona në bord .

I pyetur nëse janë gjetur mbeturina nga dronët , Rumen Nikolov deklaroi se nuk ka informacion përkatës.

Kryeministri bullgar Rumen Radev e quajti sulmin “absolutisht të papranueshëm”.

Në të njëjtën linjë, Presidentja e Komisionit Evropian, Ursula von der Leyen, i përshkroi sulmet ndaj anijeve në Detin e Zi si “të papranueshme”.