Përplasja PD-polici te Liqeni, Enno Bozdo në ndjekje penale

Policia e Tiranës ka dhënë informacion lidhur me incidentet e djeshme të protestuesve të Partisë Demokratike dhe policisë së shtetit dhe atë bashkiake.

Policia njofton se ka nisur ndjekje penale për Enno Bozdon, si përgjegjës për mbarëvajtjen e protestës, Suzana Dimushin dhe Ergys Harkanaj.

Gjithashtu janë arrestuar nga policia Petrit Fejzullai, 48 vjeç dhe Hasan Molla, 50 vjeç. Këta protestues dëmtuan rrethimin e objektit në ndërtim dhe mjetet e punës që ndodheshin në brendësi të objektit, në pronësi të një firme private. Gjithashtu lidhur me ngjarjen janë shpallur në kërkim dhe gjashtë persona të tjerë.

Hetimet kanë nisur në akuzat e shkatërrimit të pronës, thirrje publike për veprime të dhunshme, si dhe kundërshtim të punonjësve të policisë.