Përzgjedhja e kandidatëve për kreun e AMA-s, anulohet mbledhja e komisionit

Komisioni parlamentar i Medias anuloi mbledhjen e sotme, ku pritej të përzgjidheshin katër kandidatët për postin e kryetarit të Autoritetit të Medias Audiovizive (AMA). Mbledhja u anulua për shkak se nuk plotësohej kuorumi i nevojshëm, ndërkohë që ishte parashikuar skualifikimi nga gara i 3 konkurrentëve, nga 7 që përfshinte lista e kandidatëve.
Nënkryetari i komisionit, Alfred Peza, tha se procedura për zgjedhjen e kreut të ri të AMA-s do përmbyllet këtë javë, në mënyrë që të enjten të kalojë në parlament.
Sipas procedurave të miratuara më parë, nga 4 kandidatët që do të mbeten në garë, opozita ka të drejtë të heqë dy emra, ndërsa mazhoranca do të dërgojë në Kuvend dy kandidatët e saj nga i cili do të zgjidhet kreu i ri i këtij autoriteti.
Lista me shtatë kandidatë që do të konkurojnë për postin vakant të kreut të AMA-s përfshin.emrat e Gentian Salës (jurist); Gentian Skënderajt (ekonomist); Anila Bashës (gazetare); Zylyftar Bregut (gazetar): Raif Goranës (ekonomist); En Muçit (ekonomi, biznes) dhe Bers Hado (jurist).