Poposki: Maqedonia nga viti 2002 kontribuon për paqe dhe stabilitet në Afganistan
Republika e Maqedonisë kontribuon për sigurimin e paqes dhe sigurisë në Afganistan përmes pranisë ushtarake nga viti 2002, por edhe me trajnim dhe ndihmë financiare, me çka duke llogaritur sipas numrit të banorëve është një nga shtetet më të mëdha që një shtet ia jep këtij shteti, përcjell Telegrafi Maqedoni.
“Kjo është konferencë e rëndësishme në lidhje me çështjen në Afganistan. Prandaj kemi edhe 75 vende dhe 25 organizata ndërkombëtare që marrin pjesë në këtë konferencë. Ndërsa e rëndësishme është sepse Maqedonia nga viti 2002kontribuon ndaj ndërtimit të paqes dhe stabilitetit në Afganistan, në operacionin që ende po zgjat. Në mënyrë shtesë, është investuar një shumë serioze, si përmes operacioneve paqësore, ashtu edhe përmes kontributeve që i jep Maqedonia dhe të cilat po zgjasin edhe në këtë moment, për realizimin e këtij qëllimi për stabilizimin dhe mundësimin e zhvillimit demokratik në Afganistan”, deklaroi zëvendëskryeministri Poposki në deklaratën për MIA-n.
Përveç me “çizme në terren” përmes pranisë ushtarake me partnerët e tyre, Republika e Maqedonisë në Afganistan ndihmon edhe financiarisht edhe atë, siç u kumtua sot në konferencën e Brukselit, arrin rreth dy milionë euro në vit.
Krahas ndihmës financiare për Afganistanin, sot shefat e diplomacive të 75 vendeve, midis të cilëve edhe i Maqedonisë Nikolla Poposki, u dakorduan edhe për kthimin e plotë të migrantëve afganë, të cilët janë të dytë sipas numrit në fluksin milionësh të migrantëve që në dy vitet e fundit e kaploi Evropën.
Sipas Poposkit, kjo edhe për shtetin e Maqedonisë është pika e dytë e rëndësishme nga marrëveshja e sotme që u arrit me autoritetet afgane në Bruksel.
Sipas shefit të diplomacisë së Maqedonisë, kontributi i Maqedonisë në këtë pjesë është i rëndësishëm edhe për shkak të mjeteve që vendi i ka dhënë për sigurimin e këtyre vendimeve, por edhe për shkak të ndihmës që në mënyrë joegoiste e ka dhënë për sigurimin e trajtimit human dhe të sigurt të migrantëve gjatë tërë kësaj krize të migrantëve.
Përndryshe, në margjinat e konferencës së sotme në Bruksel, zëvendëskryeministri dhe ministër i Punëve të Jashtme të Maqedonisë, Nikolla Poposki, realizoi edhe një numër të madh të takimeve bilaterale me kolegët e tij, ku u takua me shefat e diplomacive të Shqipërisë, Indisë, Serbisë, Bullgarisë, Azerbejxhanit dhe të Turqisë.
