Princi Leka II shpall datën e martesës

Princi Leka II ka shpallur dhe datën e martesës me te fejuarën e tij, Elia Zaharia. Çifti do të vendosë kurorë më 8 tetor 2016.

Lajmi bëhet i ditur nëpërmjet një komunikate nga Oborri Mbretëror Shqiptar, ku pas disa vitesh lidhjesh e më pas fejese kanë vendosur të kurorëzojnë dashurinë e tyre. Trashëgimtari i Fronit Mbretëror dhe artistja u fejuan në Paris më 2010, dhe martesa vjen pas 6 vitesh.

Më herët çifti është shprehur se dëshirojnë të organizojnë një dasmë madhështore sipas protokollit të Oborrit Mbretëror Shqiptar, dhe se kanë në plan të ftojnë shumë familje të njohura mbretërore.