Në anijen “Norman Atlantic” ka shkuar një grup hetimor i Barit. Nga të dhënat paraprake dyshohet se zjarri në bord ka qenë i qëllimshëm. Autorët mund të kenë pasur si synim fundosjen e anijes së bashku me pasagjerët që ndodheshin lart.
Prokurori Giuseppe Volpe, për para se të largohej nga zyrat e kapitanerisë së portit tha se zjarri mund të jetë i qëllimshëm. Hetimet po vijojnë me intensitet, në mënyrë që të zbardhen rrethanat e ngjarjes së rëndë.
Vazhdon operacioni i shpëtimit të pasagjerëve në anije, dyshohet për 4 viktima
Vazhdon edhe sot operacioni i shpëtimit të pasagjerëve në anijen “Norman Atlantic”, e cila u përfshi nga flakët që prej mëngjesit të djeshëm. Nga të dhënat e fundit deri më tani janë shpëtuar 329 persona dhe 149 të tjerët janë ende në bordi.
Në anije është dërguar një staf mjekësh për tu kujdesur për pasagjerët e tmerruar. Mediat italiane shkruajnë se në portin e Brindisit ka mbërritur një anije me 49 pasagjerë. Lajmi është bërë i ditur nga prefekti i Barit, Antonio Nunziante, i cili thotë se mes pasagjerëve ndodhen edhe tre fëmijë. Shërbimet kanë nisur zbarkimin e tyre në breg dhe nga të dhënat bëhet me dije se një pjesë janë shqiptarë, grekë dhe 2 klandestinë.
Paraprakisht burimet zyrtare thonë se një persona ka humbur jetën por dëshmitarët okularë që kanë qenë në asnjë, thonë se numri i viktimave mund të shkojë në 4, dy gra dhe dy fëmijë. Anija “Norman Atlantic” kishte lënë dje portin grek të Petras në orën 3:30 të mëngjesit. Kur u përfshi nga flakët, drejtuesit e anijes dërguan një sinjal ndihme kur ndodheshin 33 milje detare larg ishullit të vogël grek të Otonoit.
