Prokuroria urdhëron lirimin e gazetarit Kastriot Myftaraj

Prokuroria e Tiranës, ka urdhëruar lirimin e menjëhershëm të Kastriot Myftarajt, pasi sipas organit të akuzës, nuk ka vepër penale që hetohet nga Prokuroria.

Por sipas bluve, në një njoftim më herët gjate ditës, sqaronte se ‘Ai akuzohet për thirrje publike për veprime të dhunshme, mbi bazën e nenit 223 te Kodit Penal “Thirrjet e bëra publikisht për të kryer vepra të dhunshme kundër rendit kushtetues, dënohen me gjobë ose me burgim gjer në tre vjet”.

Sipas policisë, Myftaraj ka botuar në media një shkrim ku bën thirrje të hapura për të kryer vepra të dhunshme kundër rendit kushtetues.